Ankur: Swami g bhais ka kachha dudh pine ke kya fyde aur kya nuksan hai detail me btaye..
Swami Ramswarup: Bhains ka kacha doodh aksar nuksaan hee pahunchata hai kyunki kache doodh mein nuksaan pahuchaney wale kitaanu paida ho jaate hain. Han! Kai Pahalwan ko maine dekha hai jo bhains ka kacha doodh nikalte nikalte usee waqt pee jaate hain aur unhe nuksaan bhi amooman nahi hota. Par saare pahalwan toh hote nahi isliye kacha doodh nahi peena chahiye.

Sunita: Guruji pati Patni ki jodi 7 janmo tak bani hoti hai?
Swami Ramswarup; Aisa kuch nahi hota. Karmanusaar janam aur mrityu prapt hoti hai. Pati ke karma aise ho sakte hain ki uska kisi aur yoni mein aur patni ko kisi doosree yoni mein janam mile.

Sunita: Guruji kya vidhi k vidhan k anusar hi sab apne karmo ko bhogte hai?
Swami Ramswarup: Vidhi ke vidhan ka arth hai Ishwar ke banaye hue niyamon ke anusaar hee jeev paap karma ka phal dukh aur punya karma ka phal sukh bhogta hai. Ishwar ka niyam kewal vedon mein kaha hai.