Abhijit: Swamiji ko koti koti pranam….swamiji muze ek ladki hai. Ab mai ladka chahta hu….uske liye mai konsi upasna kar sakta hu?……dhanywaad
Swami Ram Swarup: Vedon ke anusaar ladka-ladki mein koi farak nahin hota. Raja Janak ke bhi do kanyayein thee jinhonein apne mata-pita aur apne pati ka naam roshan kiya. Han! Yeh baat avashya hai ki aaj kal prayaha sabko putra prapti kee ichha adhik hoti hai. Uske liye main aapko advise karoonga ki kisi local Arya samaj mandir mein jaakar vedic shiksha lein aur prataha aur sayein havan karne kee vidya seekhein kyunki sab kuchh dene wala ek Nirakaar Parmeshwar hee hai. Isliye, hum ishwar kee vedanusaar pooja karna shuru karein jisse Parmeshwar prasann ho. Jab itna seekh lo tub mujhe e-mail karna. Han! Grihasth ashram mein rehkar bhi Brahmacharya ka dhayn rakhna. Doosra, Brahmacharya aur Grihasth ashram ke bhi kuchh kartavya karne ke vishaye mein yahan ved mandir se ek pustak- “Brahmacharya- dukh nivarak divya manni (in Hindi) worth rs.100/-, excluding postal charges, likhee hai. Ussey manga kar avashya padein.

Anonymous: Dharmanusar physical activities kab varjit hai?
Swami Ram Swarup: Kripya physical activities ke bare mein clear karke likho jisse uchit advise kee jaa sake.