Aadi: Swami, I want to increase my height. I am 21 now. Can u suggest me some methods to follow?
Swami Ram Swarup: You are advised to learn Tadasan and Pashchimauttaan asan from local Yoga Teacher. You should also get up early in the morning to do a race daily.

Daya Shankar: SWAMIJI SADAR CHARAN SPARSH SWAMIJI MAIN JAANANA CHAHATA HU KI BHISM PITAMAH AND KARN JAISE SIDDPURUSH ENKE SAAMANE KYA KARAN RAHA HOGA JO ADHARAM KA SAATH DIYA. SWAMIJI MERI ES BRNTI PAR PRAKASH DALE.
Swami Ram Swarup: My blessings to you. Kshatriyon ka yeh dharma raha hai ki jis Raja ke weh aadheen hotey hain, usee kee raksha kartey hain. Han! Karan ke mann mein Arjun ke prati dwesh tha. Yeh bhi ek karann tha ki usney kauravon ka sath diya kyunki raag-dwesh ya krodh mein buddhi sahi nirnaya nahin kartee. Doosra Bheeshma Pitamah jaise mahapurush ko jab unkee mata Satyawati ne raajgaddi saunpaney ko kaha to unhonein kaha ki mata maine pratigya kee hai ki main kabhi gaddi par nahin baithoonga. Doosree unhonein pratigya kee thee ki jo is rajya kee gaddi par Raja baithega main unkee raksha karoonga. Isliye majboori mein unhonein Duryodhan aur Dhritrashtra kee raksha kee.

Daya Shankar: SWAMIJI SADAR CHARAN SPARSH SWAMI JI MAIN LAST QUESTION HAI KI UTTAM KOTHI KE SHISHYA KE LIYE KYA QUALITIES HONI CHAHIYE JINKO SADHAK UPNE JEEVAN MAIN DHALKAR MOKSH MARG TAK APNA SAFAR KAR SAKE USKE LIYE SADHAK KO KYA-KYA KARNA HOGA. SWAMIJI MARGDARSHAN DE?
Swami Ram Swarup: Mera aapko ashirwad. Uttam koti ke liye sadhak mata –pita ki seva kare. Ved ka gyata aur indriyon pe sanyam rakhne wale guru ki tann, mann dhan or prann se seva karke unse vidya prapt karey. Mann, vachan karma se vedic gunon ke adhar pe sadaa satya bhashann hi karein. Brahamcharya ka sada palan karein.

Agla updesh toh Guru kartey hee rahengey, jisse aise sadhak ko moksh parpt hokar rahega.

Manoj: Swamiji, namaste mai ye janana chahata huin ki bharugu samhita kya vedo se sambandh rakhti hai jis me purva janmo ke karmo ke dwara es janma ke dhukho ka nivaran kaha gaya hai.
Swami Ram Swarup: Bhrigu Samhita vedon se sambandh nahin rakhtee.