Abhishek: Rigved ka sarvpratham english me anuvad kisne liya tha?
Swami Ram Swarup: Rigved ka sarvapratham hundred percent theek-theek anuvaad Hindi mein Swami Dayanand Sarvasti jee ne kiya tha. Han! Unse pehle Maxmuller aur Ubhatt ne bhi kia hai.
Rakesh: Mera naam rakesh hai umar 31 saal hai i mene suna hai gayatri mantra sabhi log nahi jaap jap sakhte hai sirf brahman hi jaap jap sakte hai answer me? Meri jewellery ki dukan per hum bahut badey buisnessmen nahi hai badey buisnessmen baneney ke liye kya karey arthat dhanwaan baneney ke liye kya kare answer me?
Swami Ram Swarup: Yeh baat bilkul galat hai ki gayatri mantra sab log nahi jap sakte. Ved mein saaf-saaf kaha hai ki Gayatri mantra Aadmi-naari sab sunn sakte hain aur sab jap kar sakte hain. Hard working aur rozana Ishwar ki vedic bhakti se aap dhanwan banne kee koshish karein. God hee dhan ka data hai veh dhan dega.
Mangal: Guruji parnam aur bhut-2 dhnywad. Guruji m aapke pas april 2012 me aaya tha uske bad may 2014 aaya to aapke darsn nhi huye. Meri rid haddi tut gai thi jan 2006 me jiske karn m chal phir nhi skta. Doctor k pas bhi abhi tk koi ilaaj nhi h.desi ilaaj bhut kraye pr koi frk nhi hua. Aapke pas aane ka bhut dil krta h lekin majburi h akele aa nhi skta.aapne jo naam jaap btaya tha aur dono time havan bhi krta hu.guru ji vedon ka gyan prapt krne k liye kya krun. Mere pe kirpa kro,mujhe aur kuch nhi chaiye bs vedon ka gyan prapt krna aur failana chata hu.mera margdarsn kren aur aasirwad de.bhut bhut dhnywad pitaji aapka beta mangal.
Swami Ram Swarup: My blessings to you, my son. Mujhey aap ki poori jaankari hai. Aapkey vedic vichaar aapko sukh dengein. Jab aap aayey they tab bhi meri sehat theek nahin thee isliye aap se aur kisi se bhi nahin mila. December 2014 se pehley mein nahin mil paoonga. Aap naam jaap aur Gayatri mantra ka jaap kartey rahein. Havan rozana karein, yeh Ishwar ki ved main kahi agya hai. Ishwar kalyaan kareingey.
